Valutazione attuale: 5 / 5

Stella attivaStella attivaStella attivaStella attivaStella attiva
 

Poeti Emergenti
Poesia di Rosanna Alberghina
Gammazita e li vespri siciliani

Chi talii fanciulla bedda:
intra lu puzzu nun c'e' luci nun c'e' mancu na stella
Sulu scuru e friddu iddu teni. Sunu megghiu li to'peni.  
Lu senti lu puzzu?  Iddu ..nun ti voli:
"Resta susu, ti dici,..e sii filici,
Lu to' grandi amuri, t'aspetta fora
Ti voli spusari, e lu so cori ti voli dunari.
A lu stranieru, tu, nun ci pinzari;
ju lu sacciu..  pi difenniri  l' onuri .. ti vo' ittari,
e l' amuri veru, voi sacrificari?
Talia..chi beddu picciottu sicilianu
a tia ti voli beni e  teni forti li to  manu
..iddu, si'...,
ti stringi,.. t'accarizza,..e forti t'abbrazza
Lu puzzu.. no, iddu,. nun po'... unn'havi cori... unn'havi vrazza!!
Lu senti?  
Lu puzzu  ti dici ancora:
"Oh Gammazita,
Sarvati la vita,  nun la ittari, dunaci   'nveci  gloria infinita!  "
Bedda tu si,  comu na gemma,  e lu to cori ..  d'amuri si degna !
" No...pi favuri...  no..  nun ti ittari.. ....
Nenti ci potti.. vinciu......l' onuri !"
"Lu me amuri  nfunnu a lu puzzu…                                            
 ..senza  vita,
 ora si trova".
Fu curpa d’un surdatu francisi e sfruntatu,
chi la me zita,  aviva  indignatu
 e idda,  pi difenniri l'onuri ,
nfunnu lu puzzu.... ora si trova".
Sutta nu cielu  di lacrimi
sta notti amuri miu
scrivu lu to nomi  ntra li stiddi
e nun lu scurdu mai
…amuri amuri…. lu me sangu s'arribbella…
nun mi mittu lu cori npaci
Curru di vulata e  la spada tengu  sullivata.…  Lu stranieru vogghiu disfari…lu  truvaiu                                            
e l'ammazzaiu !

Ora...  giustizia e' cunchiuta… Ora, a li Francisi  li siciliani si ribellunu
                                                        
Accussi'    cumincianu  li Vespri  
                          e....pariva...l'infernu !