Poesia di Domenico Caruso
A Santu Martinu
Santu Martinu, nostru protettori,
Vu' stati sempri 'nda lu nostru cori,
ca se pe' sorta po' nd'abbandunati
si chiùdinu pe' nui tutti li strati.
O grandi Santu chi lu mundu chiama,
di caritati jè la Vostra fama
e se volimu a Vui vicinu stari
lu pròssimu 'ndavimu e rispettari.
Santu Martinu grand'omu di paci,
'mbiatu cu' lu Vostru 'sèmpiu pìgghja,
'nu paradisu 'nda 'sta terra teni
e n'atru quandu doca 'ssupra veni.
Veniti, Santu meu, 'nda me' famìgghja:
sulu pe' Vui mu càmbia eni capaci!
Poesia in dialetto calabrese
