Valutazione attuale: 0 / 5

Stella inattivaStella inattivaStella inattivaStella inattivaStella inattiva
 

Poesia di Salvatore Di Giacomo
Era de Maggio

Era de maggio e te cadeano 'nzino,
a schiocche a schiocche, li ccerase rosse...
Fresca era ll'aria e tutto lu ciardino
addurava de rose a ciente passe.

Era de maggio, io no, nun mme ne scordo,
na canzone cantávamo a ddoje voce:
cchiù tiempo passa e cchiù mme n'allicordo,
fresca era ll'aria e la canzona doce.

E diceva: «Core, core!
core mio, luntano vaje,
tu me lasse, io conto ll'ore,
chi s quanno turnarraje!»

Rispunnev'io: «Turnarraggio
quanno tornano li rrose...
si stu sciore torna a maggio,
pure a maggio io stongo ccá»

E so' turnato e mo, comm'a na vota,
cantammo nzieme lu mutivo antico;
passa lu tiempo e lu munno s'avota,
ma ammore vero no, nun vota vico.

De te, bellezza mia, me annammuraje,
si t'allicuorde, nnanze la funtana:
l'acqua, llá dinto, nun se secca maje,
e ferita d'ammore nun se sana.

Nun se sana: ca sanata,
si se fosse, gioia mia,
mmiezo a st'aria mbarzamata,
a guardare io nun starria !

E te dico: - Core, core!
core mio, turnato io so'
torna maggio e torna ammore:
fa de me chello che buo'!

Versi di Salvatore Di Giacomo - Musica di P. M. Costa