Poesia di Natale dialetto piemontese
Natal d'ancheuj
Natale in Piemonte
Doimila agn a son passaje,
n’autr Natal a l’é rivaje!
Ooo… Bambin ch’it ciame Gesù
fane ‘s cadò, cala ‘n pòch giù!I
Të spetoma, con ij brass ëslargà,
për Ti ij nòsti cheur a son duvertà,
artorna fra ‘d noi e scapa mai pì,
mach Ti o Gesù, it ses nòst avnì.
Òh… bel Bambin, ch’it vive lassù,
fra un cel ësteilà bordà dë vlù,
nòsta speransa a l’è Tò sorisij
Tò euj a son ël Paradis.
Ël mond antregh l-ha dabzògn ëd Ti,
ma stà bin atent, fid-te pa pi,
tròpi coj ch’a parlo ‘d pas e amor,
da semper a son fàuss e traditor.
Giùtla st’umanità ‘n decadensa,
veuida ‘d valor e pòvra ‘d sostansa,
për noi as basta. Toa santa presens
al’ùnica còsa, sicura speransa.
Natal, a l’è për fé festa
baldòrie, cadò… che argal,
l’ùnica còsa ch’a na parlo pì,
a l’è dël Natal, ch’it ses nassù Ti!
Driano 'd Caval
Il Natale di oggi
Duemila anni sono passati,
un altro Natale è arrivato!
Ooo… Bambino che ti chiami Gesù
facci questo regalo, scendi un po’ giù!
Ti aspettiamo, a braccia aperte,
per Te i nostri cuori sono aperti,
ritorna fra noi e non scappare mai più,
solo Tu o Gesù, sei il nostro avvenire.
Oh… bel Bambino, che vivi lassù,
in un cielo stellato bordato di velluto,
la nostra speranza è il Tuo sorriso
i Tuoi occhi sono il Paradiso.
Il mondo intero ha bisogno di Te,
ma stai ben attento, non ti fidare più,
troppi quelli che parlano di pace e amore,
da sempre sono falsi e traditori.
Aiutala questa umanità in decadenza,
vuota di valori e povera di sostanza,
per noi basta la Tua santa presenza
l’unica cosa, sicura speranza.
Natale, è per fare festa
baldorie, regali… che regali,
l’unica cosa che non ne parlano più,
del Natale, è che sei nato Tu!
