Valutazione attuale: 0 / 5

Stella inattivaStella inattivaStella inattivaStella inattivaStella inattiva
 

Sonetto di Giorgio Baffo 
Nell'elezione del Papa Rezzonico

Zà, che per grazia de Domenedìo,
E con piaser dell'universo intiero,
Messo avè 'l Cul sul scagno de San Piero
Coll'arte della Volpe, e del Conìo,

Arrecordeve mò, che sè un gran fìo
De sta Città degnissima d'Impero,
Abbiè per ella un amor grato, e vero,
Che chi no è giusto, no puol esser pìo;

Voggieghe ben ai Prencipi Cristiani,
Più de quel, che vien, no pretendè,
E dalle brighe fene star lontani.

Nevodi, e amici lasso, ch'ingrassè,
Ma basta, ch'abbiè cuor ai Veneziani,
Ch'a Venezia un gran impegno avè.