Valutazione attuale: 5 / 5

Stella attivaStella attivaStella attivaStella attivaStella attiva
 

Poeti Emergenti -
Poesia di Ignazio Mannone -
Essiri Ummira

Du corpi chi viaggianu

in sensu cuntrariu,

du amanti chi nun s'incontranu mai

orbiti cuncentrichi ma luntani,

dunni rotanu tempi,

posti e corpi diversi;

du modi diversi d'amari,

du corpi chi si toccanu

ddu tantu pi dirisi ti amu.

Picciotti senili e immaturi,

cu tantu si sensu e vani,

'ntilliggenti e illusi,

privi di pisu.

Essiri ummira, chi si dunanu vita

senza ciatiari nudda cunnanna,

limitannusi a pariri 'ncapaci d'amari.