Valutazione attuale: 0 / 5

Stella inattivaStella inattivaStella inattivaStella inattivaStella inattiva
 

Poesia di Giuseppe Turriciano
Luna morta

C'e` na carma `nta li strati
cu la luna `nta lu celu
e li stiddi pi mantellu
di lu mari e la muntagna.
Nun ci sunnu li lampiuna
pi  li strati sulitari.
Nun c'e` scantu chi mi pigghia
chi la luna m'accumpagna.
La frischizza di la sira
conza la paci tutt'attornu
`nta li strati `mpircialati
tra li casi e l'arvuliddi.
E lu cani chi m'abbaia,
tostu,  rumpi lu silenziu
aspittannu lu patruni
a lu sbucciu di l'arburi.
Cu la faccia culurita
la luna a mia talia.
Tutta russa e mistiriusa
pari magica... e mi parra.
Accussi` la luna era,
magica, russa e mistiriusa.
Ora chi `n capu ci pusaru
persi lu misteru,... nun mi parra... e mi muriu.