Poesia di Natale
(Poesia di Domenico Varagnolo detto Ragnolo)
di Venezia
Nadal
Che xe Nadal, lo dise sto batocio
che tira zo dal çielo tutti i Santi;
el mandolato, i bròcoli, el fenocio
e qual' aria de sbornia che ga tanti.
Per le strade xe un vero colpo d'ocio
e sicome va a spasso tuti quanti,
se resta, in çerti punti, là in catocio
senza poder andar nè indrio nè avanti.
In casa coi parenti sese vede,
se combina barache in compagnia
pensando che doman za Dio provede.
E la sera po a tola in alegria,
tuti al piato se taca de gran fede,
anca quei che no crede nel Messia!
