Auguri di Buon Natale
Poesie di Natale
di Erba (Como)
San Giusepe la Madona
San Giiusép e la Madona
i andaven vers a Betlèm
Quan fu stati inanzi un tòco
la Madona la gh'éva sét
Andèm andèm verginella Mari:
na quai funtana la truvarèm
Quan fu stati inanzi un tòco
na funtana si l' ànno trovà
Bevì bevì verginella Maria
bevì de l'aqua finché vurì
La funtana la se alsava
la Madona la se sbasava
Quan fu stati inanzi un tòco
la Madona la gh' éva fam
Andèm andèm verginella Mari,
che un quai po de pan el truvarèn
Quan fu stati inanzi un tòco
un prestinaio si l' ànno trovà
Mangì mangì verginella Maria
mangì del pà finché vurì
Quan fu stati inanzi un tòco
la Madona la gh' éva sògn
Andèm andèm verginella Maria
che na quai stala la truvarèm
Quan fu stati in anzi un tòco
una stala si l' ànno trovà
Durmì durmì verginella Maria
durmì durmì finché vurì
San Giusép el va de fora
a vedè se 'l gh'éra un quài ciar
El va de denter san Gitisép
el trova li Gesti Bambin
el trova li Gesti Bambin
senza la fasa e senza 'l cusìn
Col mantello della sua mamma
si gh'àn fa la fasa e 'l cusìn
si gh'àn fa la fasa e 'l cusìn
per fasà Gesti Bambin.
