Login

Stella inattivaStella inattivaStella inattivaStella inattivaStella inattiva
 

 Poesia di Ferdinando Russo
‘A schiavetta

C' 'o carofano russo int’ ’e capille,
è guappa e geniale ’a ggravunara;
t’appiccia dint’ ’o core na carcara,
te n’arrobba suspire, a mille a mille

Tene nfronte na schiocca ’e ricciulille
ca me pareno ’e crocche d’ ’a vurpara,
e mpont’ ’o musso chilli duie pelille
vanno cinquanta pezze a centenara.

E pure chesta bella femmenona
ca putarrìa da’ sfizzio a tanto ’o chilo,
ha perza ’a pace soia pe na guagliona.

S' 'a tene dint’  ’a casa ribbazzata
e se ne sta scennenno mpilo mpilo…
Va trova c’ hann’  ’a fa, ll' una cu ll' ata !

'N Paraviso

Commenti

Potrebbero interessarti