Login

Stella inattivaStella inattivaStella inattivaStella inattivaStella inattiva
 

Poesia di Ferdinanado Russo
Na 'mmasciata

Neh, giovinotto!... A vvuie, seh! Na preghiera!...
Ascite 'a ret''o vico pe ttramente!
Ch'è stato?... Nu mumente! Tu ogne ssera
aspiette a Peppenella, 'o Sacramente!... 

Addò! Gniernò!... Gnorsì! N'auto mumente!...
Sa' che t'aviso?... E nun fa 'a faccia 'e cera!
Va porta passïanno 'o sentimente
mmiezo 'e vvicine toie!... Pe quant'è vvera

chella bella Maronna 'Mmaculata,
mannaggia 'a Vecaria, mo' t' 'a spertoso, 
sta panza 'e vierme, cu na curtellata!...

Ma io... Ma tu? Nui simmo crestiane!
Nun tremmà!... Nun carè, ca nun te soso! 
Cu na carogna, io me spurcasse 'e mmane!

Poesie napoletane

Commenti

Potrebbero interessarti