La lavannara















E tu a lu vaddhone
la rròbba lavavi
e cuntenta cantavi faccia
fronte a lu sole dolice
de la mattina
facenne lu cuncertine
cu li passerieddhi.
Doppè acciarute e tuorte
ncimme a li rihuatale ri spannive
e verenne ca lu sole calava
addrete a re muntagne
ntò l'aria ca s'arrussava
tu sotta a la supala t'abbentave,
e a li tiempi passati penzavi.
Quanne pò virivi la luna
ca spuntava e lu ciele s'argentava
lèsta lèsta r'accuglive
ntò lu ciste ri mittivi
l'addore de lu sole e de la luna.